Hreyfing fyrir líkama og sál

Mikilvægi reglulegrar hreyfingar fyrir heilsu okkar, hafa komið betur og betur í ljós á síðustu árum. Lýðheilsustöð gaf út árið 2008 bækling með ráðleggingum um hreyfingu. Þar eru nefndir ýmsir þættir sem hreyfing hefur góð áhrif á, s.s. að minnka hættu á hjartasjúkdómum, sykursýki og bæta andlega líðan. Ráðlagt er að fullorðnir stundi miðlungserfiða hreyfingu í a.m.k. 30 mínútur á dag.

Einnig kemur fram, að með því að hreyfa sig lengur eða með meiri ákefð er mögulegt að bæta heilsuna enn frekar. Til viðbótar er því æskilegt að fullorðnir stundi erfiða hreyfingu að minnsta kosti tvisvar í viku (20-30 mínútur í senn) því það viðheldur og bætir enn frekar þol, vöðvastyrk, liðleika, jafnvægi og beinheilsu.

Bæklingurinn er fróðlegur og vel þess virði að lesa hann (sjá tengil á hann hér neðst - neðan við færsluna). Einnig er á vef Lýðheilsustöðvar mikið af fróðleik um miklvægi hreyfingar (sjá http://www2.lydheilsustod.is/fraedsla/fraedsluefni/hreyfing/nr/2358)

 Annars er plan komandi æfingaviku komið inn hér til vinstri - sjáumst hress og kát  .

Skrár tengdar þessari bloggfærslu:

• Hreyfing - Lýðheilsustöð

Athugasemdir

[Selma Birna (IP-tala skráð) 23.2.2012 kl. 09:14]

Hæ hæ.

Æðisleg færsla. Já það er sko ekki eftir neinu að bìða. Bara drìfa sig af stad.

Èg er farin ad sakna ykkar mikid.

Hafid þad gott og gòda skemmtun ì hlaupunum :)

[Ingi Rúnar (IP-tala skráð) 24.2.2012 kl. 23:30]

Sæl og takk fyrir það.

Gaman að heyra frá þér og þú veist að þú ert alltaf velkomin á æfingar.

[Ásdís (IP-tala skráð) 25.2.2012 kl. 13:30]

Hæ Selma og takk fyrir að líta hér inn til okkar,  en meira gaman væri að sjá þig í eigin persónu :