"Skokkhópur" - eða hvað ?

Rakst á stutta grein í Neytendablaðinu frá 2009, þar sem fjallað er um skokk. Margir góðir punktar þar. T.d.  

Hvað er besta leiðin til að koma sér af stað? Fara í skokkhóp eða hlaupa með vinum?

„Ég held að mikilvægt sé að velja sér góða vini þegar einstaklingar fara að æfa hlaup. Ekki velja hlaupavini sem gefast upp við minnsta mótlæti eða hafa 100 afsakanir til að koma sér hjá því að mæta á æfingar. Þess vegna mæli ég með skokkhópum. Þar er fólk sem tekur vel á móti nýliðum, aðstoðar þá og leibeinir eftir bestu getu."     (Neytendablaðið 2.tbl. 2009).   Hér er tengill í greinina.

Annað - þetta orð "skokk". Eruð þið viss um að það sé það sem við eru að stunda ? Samkvæmt Íslenskri orðabók Menningarsjóðs (1983) merkir skokk, "óþýtt, hosskennt hlaupalag hesta" !

Æfingar vikunnar framundan eru komnar hér til vinstri. Hvernig líst ykkur annars á að breyta aðeins til einhvern tímann þegar veðrið fer að batna enn frekar og ganga á Esjuna eða fara í hjólatúr í stað hefðbundinnar æfingar ?

Athugasemdir

[Ásdís (IP-tala skráð) 18.3.2012 kl. 17:16]

Þá erum við óþýð hross. hahahaha. Mjög til í að fara til fjalla eða taka fram hjólið þegar snjórinn er farinn. Endilega komið með tillögur hér og við skoðum allt.

Bestu kveðjur, kem sennilega ekkert þessa viku, bólgan er ekki farin úr ökklanum. Gangi ykkur vel, fylgist með úr fjarlægð. 

[Kristín (IP-tala skráð) 19.3.2012 kl. 08:54]

Alltaf gaman að breyta til.